share this

Wednesday, March 10, 2021

જાણો, કઈ વસ્તુ ફરી ગરમ કરીને ન ખવાય


પહલી વસ્તુ છે જે આપણે રોજિંદા જીવનમાં વધારે ઉપયોગમાં આવે છે, બટાટા. લગભગ બધાજ ઘરમાં બટાટાનું શાક બનતું જ હોય છે. અમુક ઘરમાં બીજા શાકની સાથે બટાટા મિક્સ કરતાં હોય છે. તેની માટે ખાસ આ વાત સમજવી જરૂર છે. રોજે બટાટાનું શાક તાજું ખાવાથી કોઈ સમસ્યા નથી પણ બટાટાનું શાક સ્ટોર કરીને ફરીવાર ગરમ કરવામાં આવે તો, નુકસાનકારી બની જાય છે. તેની અંદર રહેલા તત્વો નષ્ટ થઈ જાય છે અને તેની અંદર બોટ્યુલીઝમ નામના તત્વો પેદા થાય છે જે શરીરમાં નુકસાન કરે છે. તે તત્વો ગરમ કરવા છતાં નીકળતા નથી અને શરીરમાં જાય છે તેનાથી શરીર બીમાર પડવા લાગે છે. 


બીજી વસ્તુ છે, બીટ. બીટ લગભગ બધાજ ઘરમાં સલાડના રૂપમાં ઉપયોગ થતો હશે. પણ ઘણા ઘરમાં તેનું શાક પણ કરીને સેવન થતું હશે. બીટના ફાયદા બધા જ જાણતા હોય છે તેથી આપણે તેના નુકસાન વિષે જાણીએ. બીટની અંદર વધારે માત્રામાં નાઇટ્રાઈડ મળી આવે છે, તેને ઠંડુ ખાવામાં આવે તો ઉપયોગી બને છે. બીટના શાકને ગરમ કરીને ખાવામાં આવે તો તેનો ગુણ નાશ થાય છે અને શરીર માટે હાનિકારક સાબિત થઈ શકે છે. તે માટે બીટના શાકને બીજી વાર ગરમ કરીને ના ખાવું જોઈએ.


નોનવેજ લોકો માટે જાણવું જરૂરી છે કે, ઈંડા પણ હાનિકારક બની શકે છે. આમતો ઈંડામાં પ્રોટીન ખુબજ હોય છે. પણ એક વાર બનેલા ઇંડાને બીજી વાર ગરમ કરીને ખાવામાં આવે તો, પ્રોટીનની માત્રા ઓછી થઈ જાય છે અને શરીરમાં પાચનક્રિયા પર અસર થાય છે. તેમજ શરીરના બીજા અંગમાં રોગો ઊભા કરે છે. જઠરમાં પણ રોગો થવાનું કારણ બને છે. 


નોનવેજમાં બીજી વસ્તુ છે, ચિકન. ચિકન પણ પ્રોટીનનો સ્ત્રોત છે. પણ તેને ગરમ કરી બીજી વાર ઉપયોગ કરવામાં આવે તો, શરીરમાં પાચનતંત્રમાં ખલેલ ઊભી કરે છે અને શરીર માટે ગંભીર સમસ્યા ઊભી કરી શકે છે. કબજિયાત જેવી સમસ્યા જલ્દીથી થાય છે. કબજિયાતના કારણે શરીરમાં બીજા પણ ઘણા રોગો થવા લાગે છે.

Comments